Хромой Ражбадин (Рекъав Ражбадин)


В официальной исторической литературе имя Ражбадина встречается крайне редко. Но бесценный дар нам преподносит устное народное творчество. В фольклоре аварцев особое место занимает песни и баллады о предводителях (церехъабазул куч1дул). И одним из самых распространенных среди аварцев является песня о Хромом Ражбадине.

Русский военный инженер, лингвист и этнограф. Один из крупнейших кавказоведов XIX века, Петр Карлович Услар в своей монографии «Аварский язык»(Тифлис, 1889 г.) дает подстрочный перевод народной песни о Хромом Ражбадине. Но в сносках, указывает, что Ражбадин был из Харачи. Но в преданиях балахунинцев говорят, что из Харачи была мать Ражбадина и в Балахуни до сих пор есть потомки Ражбадина.

Ссылаясь на П.К. Услара, Маркъо Шахбанов тоже указывает, что Ражбадин был из Харачи.

В исследовательской работе М. Шахбанова приводится единственный исторический документ, в котором упоминается имя Ражбадин. Это письмо русского офицера Львова графу Панину от 28 февраля 1774 года. В письме рассказывается о последнем бое Ражбадина, который произошло у села Вахани. Согласно письму, объединенное войско горцев и турок направлялось к крепости Вахани. Сам бой произошло 5-6 февраля 1774 года. Несколько пленных, которые находились у горцев сумели сбежать и предупредить царя Имеретии Соломона. Соломон устроил засаду в ущелье, откуда возвращались объединенное войско турок и горцев. На рассвете 6 февраля Соломон нанес внезапный удар и смог застать врасплох горцев.

Капитан Львов пишет в своем письме, что среди убитых нашлись много именитых предводителей горцев и среди плененных Хромой Ражбадин («Раджаба»). Соломон отдает приказ, чтоб всех пленных казнили, а самого Ражбадина в качестве подарка отправили царю Ираклию II.

О дальней судьбе Ражбадина ничего неизвестно. Видимо, его тоже постигла та же участь. Но согласно письму, можно сделать предположение о годах жизни Ражбадина — примерно 1730-1774гг.



https://www.youtube.com/watch?v=4scEsucZMY0

РАЖБАДИНИДЕ

Годек1анир рук1ун, Ц1оралъул бицун,

Ц1аралде щвеч1ого давлаги босун,

Ч1алг1ун руго дида гьал г1олохъаби,

Рихун руго дида росдал бах1арзал!

К1алц1уца цулъарал баг1арал чуял,

Ц1оралде балагьун х1их1илел руго.

Азнавурзабазда ругьунал хулчби,

Лъалинирго хут1ун пашманго руго.

Рахъа г1олохъаби, доре Гъолоде,

Хъах1илаб Алазан баг1ар гьабизе

Къач1ай гьудулзаби, нахъе Ц1оралде,

Капураб Гуржистан биде белъине,

Ц1оралъул мусудул г1арцухъ хисизе!

Хъван кагъат анила доб Нахъбак1алде,

Рузманалда нахъа рахъейин абун

Чи вит1ун анила гъове Хьиндаде

Ц1араб болжалалде камугейилан

Жал лъик1ал бах1арзал дол нахъбак1аца

Хъат кьабун кьолона, бидаял чуял,

Рек1елъ чаран бугел гъол хьиндалаца ,

Чергесаб логода ярагъ борчана,

Мажгиталъул цебе къот1иги гьабун,

Къебелъухъе лъугьун гулабиги т1ун,

Т1ад салават хъвараб мисриги борчун,

Роц хъах1илаб хъирим хъатикьаги къан,

Я капурлъи гъурун, а гъаза т1убан,

Цояб гьабич1ого нахъ вуссинарилан,

Ражбадин къокъана Нахъа Ц1оралде

Бисмилагьи гьабун чоде вахиндал,

Х1урулг1инзабаца х1от1оч1ел ккурав

Салаватги бит1ун, чода ц1ал бадал.

Сверухъе росаби хадур рахъарав,

Кьеги дуе талих1 Рекъав баьадур

Алазанги къот1ун, Къарбиги бахун,

Коралъул раг1алде жал щвараб мехалъ,

Цо гьари гьабуна Ражбадиница:

Аварагзабазул заманаялда

Зирарие г1адаб талих1 кьейилан!

Беччун жа гьекьолел жал капурзаби,

Гулий хъван ратаги, я Расулюллагь

Болъонил гьан кунел х1амул гуржиял,

Хвалчай насиблъаги, кьудратав Аллагь!

Нижер квер щваралъуб маг1у бахъана,

Нижер х1ет1 ч1аралъуб ц1а т1ибит1ана,

Квер-бер берцин рихьун ясал рачана,

Кьер-мухъ бац1ц1ад бихьун вассал ккоккана,

Тупсиялда нахъа хъузхъулги гъурун

Ц1оралда ц1ар арай эзул меседу,

Ц1ор бактулъе к1анц1ун эйги ячана

Камилаб давлагун, жал рач1инаго,

Баг1араб гох1ги тун, Ширакги къот1ун,

Алазан раг1алде щолел рук1аго,

Аллагь, мун бух1аяд, нух ккун батана!

Нух ккун ратана х1амул гуржиял,

Цере-цере руго азнавурзаби,

Гьерек1ли ханасул байрахъ бихьула

-Нижее нух биччай, х1амул гуржиял,

Ниж эбел-инсуе цо-цойин ругел,

Рачарал лъудбузе ниж хириялин!

-Рачарал лъудбузе ниж хириялин!

-Нуж эбел –инсуе цо цо ратании,

Хвалчацаги къот1ун к1и-к1и гьарила

Рачарал лъудбузе хирияллъидал,

Лугби анир тела, бут1рул рит1ила!

Ах1дезе лъугьана мац1 лъалев хъазахъ:

-Нуж цодагьал чаг1и, щиб бак1алдаса,

Къокъадул цевехъан, щиб мухъалдаса?

-Ниж цодагьал чаг1и, хьиндгун нахъбак1ал,

Къокъадул цевехъан Рекъав Ражбадин

-Ракьулъе лъугьине нуж г1унк1к1ал гурин,

Гьанжекир лъугьинел, нуж маг1арулал?

Зодихъе роржине х1анч1ч1алги гурин,

Гьанже кив воржинев, бодул цевехъан?

-Ракьулъе лъугьине г1унк1к1ал гурелдай,

Кьабун чучуларел чаран хвалчаби?

Зодихъе роржине х1анч1ал гурелдай,

Реч1ч1ун г1уж толарел дурусал хъирмал?

Дагьав цевег1ан къай,ч1ваяв Гьерек1ли,

Ч1алг1аде гулил х1ал лъазе бокьан.

Чанги къо х1ехьараб Ражбадиница,

Жакъаги х1ехьела бичас биччани.

Гьари гьабунаниги нилъ риччаларо,

Т1агърал рахъаниги , т1орит1иларо.

Жакъайин лъалев, лъик1ав бах1арчи.

Жакъа хварасулни ц1ар хвеларебин,

Хонжроца г1уру ссун, сангаралги къай,

Сангар гьеч1елъубе хъвехъул чуял рай,

Вакъун х1ал бергьарас, чол гьанги кванай,

Къечон х1ал бергьарас чол биги гьекъей,

Ругънал х1л бергьарав сонгроеги лъе,

Гъоркь буртаби т1аме, т1аде херги бай,

Г1емерги кьвагьуге, ишан ккун реч1ч1е,

Жакъа чучарасда чурун к1аз къаги,

Чучун кьабурасул йокьулей хвайги

Кьвагье г1олохъаби, халатал хъирмал,

Хъирмазул к1алалда к1к1уй бетизег1ан,

Кьабу гьудулзаби, чаран хвалчаби,

Хвалчаби к1ирекун, гъоркь хут1изег1ан!

Кьвагьа-кьвагьарулъуб реч1ч1и бихьидал

Кьабу-кьабуралъул кьаби бихьидал,

Ах1дезе лъулъугьана х1ама Гьерек1ли:

-Вач1а ле Ражбадин, рекъел гьабизин,

Г1арац бокьанани, сах1ица кьела,

Месед бокьанани, хъатица кьела,

Ясал рокьанани,мусудул кьела,

Васал рокьанани, нуцаби кьела.

-Дуца дие кьолеб, г1арацгун месед

Хведал дие кьолеб пирдавус алжан

-Дуца дие кьолел ясалгун васал-

Хведал дие кьолел х1урулг1инзаби

Нижерги нужерги цоцазул рекъел-

Цоцада кьабулел халатал хунжрул

Умумулъ батараб цоцалъ гьуинлъи-

Цоцае хисулел т1ухьидул гула

А мун гьит1инав вац дове гъолоде,

Гьикъариян абе, саламан абе,

Сверун хъузхъуца ккун ниж танин бице

Метер къадиялде т1аде щвайиян,

Къаде нахъеялде камугейилан

Гулла –хер т1аг1анин, хулчби реканин

Х1ал гьабуле бугин гьудулзабазда

Гьерек1ли ханасул байрахъ бихьидал,

Куркьби данде къарал къвек1аб ц1ум г1адин

Хаксалихъа т1амах гьороца г1адин,

Хъамуна гуржилъи т1аса г1одобе,

Бац1ц1адаюго г1арцул Гьерек1лил байрахъ

Чол малакь мерхьана маг1арулаца!

Муг1руде т1упалеб нак1к1го жо гуро

Ч1ана к1к1уйдул пача т1ад Ширакалда

Ихдаде чвахулеб ц1адго гьереси,

Ана бидул лъарал Алазаналде

Типлисалде г1унт1ун чабхъенги гьабун

Хъах1илаб Алазан баг1арги гьабун

Ц1оралъул мусудул г1арцухъги хисун,

Нахъруссун рач1ана гьал г1олохъаби,

Я Аллагь гьареги гьединал васал,

Ара -аралъуса давла босулел!

Добавить комментарий

Ваш e-mail не будет опубликован. Обязательные поля помечены *